من اجل المواطن المصرى

المساهمات : 186 تاريخ التسجيل : 04/02/2009

بسم الله الرحمن الرحيم

اعضائنا وزوارنا الكرام احنا عاملين القسم ده مش عشان نشتم فى الحكومة او فى المسئولين احنا عاملينه عشان نقول رأينا بادب واحترام وفى نفس الوقت بكل صراحة وان شاء الله هيكون فى موضوع كل اسبوع هنتكلم فيه والموضوع ده هيدور حول مشكلة بيعانى منها المواطن المصرى اللى تقريبا مش بياخد حقوا فى حاجات كتير اوى فى الدولة وكل واحد مننا هيدخل يقول رايه فى الموضوع اللى بنتكلم فيه وكمان هيقول مقترحاته لحل المشكلة اللى هنتكلم عليها وطبعا الردود تكون بحدود وبموضوعية. ممكن حد يسألنى طب وهو الموضوع اللى هنتكلم فيه هتقوله بناء على ايه؟ هقولله طبعا بناء على مقترحاتكم يعنى كل واحد هيقول هو عايز يتكلم فى ايه وعن ايه واحنا ان شاء الله هنختار احسن موضوع ويبقى هو ده الموضوع اللى هنتكلم فيه .

شكرا جزيلا على قراءة الموضوع واتمنى انه ينول اعجابكوا
وان شاء الله هستنى ردودكوا عليه وتقوله رأيكوا فيه ولو
فى مقترحات فى القسم يا ريت تقولوها برده واحنا هنسمع
كل مقترحاتكوا ولو فى حاجة مناسبة باذن الله هنعملها

المساهمات : 22 تاريخ التسجيل : 03/02/2009

كان نفسى اقو وتكلم بصراحه بس كنت خايف بس خلاص انا مش هخاف

انتظرو كلام بجد مش هظار قريبن

اكيد يا بدر كل واحد مننا نفسه يقول كلام كتير علي البلد والحكومه بس هل كل واحد فينا ماشي صح ومفيناش عيوب عشان نشوف عيوب الناس التانيه اكيد لا وكل واحد فينا في ايده سلطه حته لو صغيره اكيد بيستخدمها في اي حاجه غلط وكلنا في الاخر بنقول ( الناس كلها بتعمل كده اشمعنا انا معملش ! ) يبقي مفيش حاجه هتتعدل في البلد لازم نبدأ بنفسنا عشان يحصل تغيير بلاش كل واحد يبص للي اوحش منه ويفتكر نفسه كويس .

من الاخر عشان مطولش عليكوا انا عايز اقول لكل واحد بيحب بلده ابدا بنفسك متبصش لغيرك وامشي انت صح .

اكيد اللى بيحبو بلدهم كتير بس عشان نوصل للتعديل لازم يحصل التغيير بينك وبين نفسك الاول.

وفي النهايه اشكرك على الموضوع الجميل ده يا بدر ويا رب نفيد ونستفيد

المساهمات : 186 تاريخ التسجيل : 04/02/2009

كلامك جميل يا عبد الله وانا بحترم رأيك جدا بس انت بتقول لو كل واحد يمشى صح ؟؟؟؟
للا سف يا عبد الله اللى بيمشى صح فى البلد دى مش بينفع جرب كده تمشى صح ولو لمدة اسبوع
هديك مثال بسيط جدا انت لو ماشى فى الشارع ومعاك حاجة عايز ترميها هل ممكن تلاقى سلة قمامة
قريبة منك ترمى فيها؟؟؟؟؟؟؟؟؟؟ اكيد طبعا لأ فبتضطر ترميها فى الشارع زى ماغيرك بيعمل وفى نفس الوقت انا عارف ان كلامنا مش بيجيب فايدة وفى الاخر اسمه كلام بس المهم نظهر الحقيقة ونعرف فكر كل واحد مننا فى اصلاح اى حاجة غلط بتحصل وبرده انا عايز اقول احنا نحمد ربنا على كل شىء احنا أحسن من غيرنا على الاقل احنا عايشين فى سلام وبعدين يا عبد الله انت لما تشوف الواسطة فى كل حاجة يا اخى ده حتى فى العيش والله فيه واسطة ازاى انت تشوف كل ده وهتمشى عدل بس احنا عايزين نوعى شباب جيلنا والجيل القادم بكل الحاجات دى عشان المستقبل ان شاء الله يكون احسن والله العظيم فى ايدينا حاجات كتير اوى بس احنا ناخد الخطوة ونبدأ.

» لو اخترع المصرى الكمبيوتر!!!!!!!!!!؟