بسم الله الرحمن الرحيم
طريقة وضع مكياج العروسة او مكياج المناسبات بالصور
نبتدي
نبدا بتنظيف البشرة باللوشن المناسب لنوع البشرة
وبعدين نحط كريم الاساس وياريت يكون اغمق درجة من لون البشرة لان كل ما غمقنا كل ما النتيجة بانت طبيعية اكتر
وتوزيع كريم الاساس بيكون بالاسفنجة الخاصة
وبعدين نحط كريم الكونسيلر او الكوفر ستيك تحت العين ونراعي انه يكون لونه افتح من لون كريم الاساس اللي استعملناه علي البشرة
نحط البودر الشفافة علي كريم الاساس علي الوجه كله ونراعي استخدام فرشة كبيرة علشان تشيل البودرة الزيادة
نحط بودر بتلمع تحت العين علشان تدي ضي لمنطقة العين
وبعدين بقلم الكحل الاسود نحدد تحت العين بشوية لو كانت العين ضيقة اما لو كانت واسعة هنحط الكحل جوه العين
وبعدين نحدد فوق العين من بعد منابت الرموش علشان نوسع العين وندي فرصة للاي شادو انه نحطه بشكل افضل
نحط الاي شادو بفرشة صغيرة فوق العين فوق الكحل الاسود
وبعدين بفرشاة مقوسة نرسم الاي شادو علي شكل قوس فوق العين
ونركب الرموش الصناعية ونتقل عليها بالماسكرا ونصيحة متحطيش اكتر من طبقتين مسكرا واهتمي بالماسكرا للرموش السفلية علشان توسع العين
ونرسم الحواجب بعد كده بالقلم ويكون من درجات البني ونصيحة متستخدميش قلم اسود في رم الحواجب وارسميها علي شكل قوس
وبعدين نحط البلاشر وانتي بتضحكي علشان يكون متوزع بدرجة واحدة ونتحرك من عظمة الخد الي الاذن
وبعدين نحدد الشفايف بالليب لاينر ونحط عليه الروج لان الموضة ان التحديد ميبانش ويكون بنفس لون الروج
نعدل الاي شادو الموجود فوق العين بتسيحه علي اي منطقة فوق العين علشان يتماشي شكلها مع المكياج
نحط جليتر خفيف تحت الحواجب
وبكدة يكون المكياج خلص وتكوني احلي من القمر
موضوع: احلي مكياج لاحلي عروسة وبالصور 
الخميس فبراير 05, 2009 4:49 pm
